Matchberichte Saison 19/20



Samstag 7.3.2020

U23

Volley Köniz : VBC Sotto Simme 3:1 (20:25 25:19 25:7 25:10)

Hüt hei mir dr letscht Match vor Saison z Köniz ka. Nacherä länge fahrt si mir am haubi 3 ds Köniz acho u hei afemau e Rundi müesse warte bis mir id Halle hei chönne ga. Es isch viu los gsi i dere 3 fach Halle u ganz viu Spiel si am loufe gsi. Nacheme zytli hei mir id Halle chönne u hei üs sofort ufgwärmt u igspielt. Punkt haubi 4 isch apfiff gsi u mir sie i dä erst Satz gstartet mit vougas! Aus isch eifach so richtig guet gloffe. Top Aspiel u schöni Agriffe hei mir ka u Volley Köniz äuä gad chli überrumplet:-) So hei  ir dä erst Satz gwunne mit 25:20. Im 2. Satz isch o nid schlächt gloffe. Wider schöni Aspiel und Agriffe u o schöni Rettigsbäu hei mir ka. Volley Köniz het aber gad schön ufträit u o vougas gä. Mir hei ging chönne mithaute aber es het glich knapp nid glängt. So hei mir dä 2. Satz 19:25 verlore. Dr 3 und dr 4 Satz isch leider di reinsti Katastrophe gsi u da gits nid viu drzue ds säge...

So si mir mitere 3:1 Niederlag zur Halle us. Zum Abschluss si mir aui no ids Route 66 ga Burger ässe u hei zämä no chli drAbe gnosse obwohl mir aui sehr müed si gsi:-)


Freitag 28.2.2020

U23

VBC Sotto Simme : VBC Riggisberg 2:3


Montag 3.2.20

U23

VBC Sotto Simme : VBC Thun 0:3 (15:25 15:25 17:25)

Hüt hei mir Match ka gägä ds starche Team vom VBC Thun. Mit ihrene top Aspiel und Agriffe hei si üs gad chli ids schwize bracht. mir hei o e paar schöni Agriffe ka und Aspiel aber trotzdäm hets leider ume nid glängt dä Match ds gwinne.


Montag 20.1.2020

U23

VBC Sotto Simme : VBC Schwarzenburg 2:3 (7:25 25:23 25:15 18:25 8:15)

Hüt hei mir di erst platzierte ds bsuech ka bi üs ds Latterbach. Dr erst Satz isch üs mau so richtig id Hose u mir hei dä ganz bös 7:25 verlore. Dr VBC Schwarzenburg het när äuä dänkt das sie dä Match locker 3:0 hei näme u da het du Sotto mau chli ufdräit. Punkt für Punkt isches ä hertä Kampf gsi aber am Schluss het sich Sotto chönne dürekämpfe u knapp dr 2. Satz 23:25 gwinne. Im 3. Satz isches em VBC Schwarzenburg gad so garnüm gloffe u Sotto het gad es höch ka. Mit 25:15 het Sotto dä 3. Satz für sich chönne schribe.

Im 4. Satz isch langsam aber sicher d Müedigkeit cho u Sotto isch nachläsig worde wo dr VBC Schwarzenburg gad het chönne usnütze. Bi Sotto isch nüm viu gloffe u Schwarzenburg het no eis richtig ufdräit u dä gwunne 18:25. So hei si du afe müed u kaputt no e 5. Satz müesse spiele u dä leider 8:15 verlore. Trotzdem isch d Endtüschig nid au zu gross gsi obwohl mä hät chönne gwinne. Ä sötegi leistig gäge erst platziert isch o nid schlächt:-)


Samstag 11.1.2020

U23

SV Strättligen : VBC Sotto Simme 3:0 (26:24 25:15 25:23)

Am Samstig si mir uswärts bim SV Strättlige gsi. Apfiff isch am 2 gsi u mir sie super i dä Match gstige. Mit üsne top Aspiel hei mir gli mau e sehr grossi füehrig ka vo 3:19. När isch das passiert wo nid hätti dörfe passiere!!! Sotto het ds gfüehl ka ,das mir dä Sieg vom erste Satz scho ihr Täsche hei u si sehr nachsichtig worde. Absolut nüme isch gange u Strättligen het ei Punkt nachem angere gmacht und am Schluss knapp 26:24 gwunne. D Entdüschig isch riisegross gsi!!! Im 2. Satz isch es o nid würkli so richtig glofe u si nid i fahrt cho u dä 25:15 verlore. Im 3. Satz hei mir gseit das mir dä unbedingt wei gwinne u no nüd verlore isch. Mir hei rächt guet chönne mithaute. Gäge Schluss hei mir ume chli es töif ka u si chli hinge dri gsi. Mir hei aber nid ufgäh u hei wider chönne ufhole. Am Schluss isches no so richtig knapp worde aber es het glich nid glengt u so hei mir dä no 25:23 verlore.


Samstag 30.11.2019

U23

VBC Thun : VBC Sotto Simme 3:0 (25:14 25:14 25:22)


Freitag 15.11.2019

U23

VBC Sotto Simme : Volley Köniz 1:3 (27:25 19:25 14:25 15:25)

Am Fritig hei mir ume mau e Heimmatch ka. Mitere voue Haue si mir i 1. Satz gstige. Scho gli hei mir gmerkt, das mir sehr guet mit Volley Köniz chöi mithaute. Dr 1. Satz isch es Chopf a Chopf Renne gsi u mä het um jede Ball müesse kämpfe. Knapp hei mir de Satz chönne gwinne mit 27:25. D Fröid isch gross gsi u so si mir guet Gluunet i 2. Satz gstige. Dr Afang isch nid schlächt gsi u mir hei ging guet chönne mithaute. Gäge Schluss isch üs chli d Luft usgange u Köniz het chönne drvo zieh u 25:19 gwinne. Im 3 und 4 Satz isches üs gad nüm so gloffe wie mir das gärn hätte ka. Ä paar schöni Bäu hets no ka wo mir chli hei chönne punkte. Am Schluss hei mirs säuber eifach total verbockt u si sehr enttüscht miteme 1:3 zur Haue us. Mir danke a denä viele Zueschouer wo sie cho luege!! Mitere setige Stimmig ir Haue isches toll e Match ds spiele:-)


Sonntag 10.11.2019

U23

VBC Schwarzenburg : VBC Sotti Simme 3:0 (25:7 25:8 25:12)

Am Sunntig Morge hei mir üs versammlet u si richtig Schwarzeburg gfahre. No chli müed hei mir üs aber glich gfröit uf dä Match:-) Dr Match isch aber so gar nid gloffe wie mir üs das hei vorgsteut!! Churz u Bündig mir hei praktisch kei Chance ka gägä ds starche Team vom VBC Schwarzenburg. Mit ihrne super Service hei sie chönne punkte u mir hei nid würkli e Chance ka die richtig abznäh. Das isch so richtig e Match gsi zum vergässe. So sie mir sehr enttüscht miteme 3:0 zur Haue us.


Freitag 25.10.2019

U23

VBC Sotto Simme : SV Strättligen 3:2 (21:25 25:15 27:29 26:24 15:11)


Samstag 19.10.19

U23

VBC Riggisberg : VBC Sotto Simme 3:0 (25:17 25:16 25:18)

 

Mir sie miteme chline Grüppeli uf Riggisberg greist. Da mir kei Passeuse hei ka u nume Mitti u Usse Spielerinne hei mir chli öbis müesse improvisiere.  Für paar Spielerinne isches ono dr erscht Match gsi, aber äs isch gar nid so schlächt gloffe. Aui sie sehr motiviert gsi u hei aues geh ufem Fäud. Ab und zue hets no chli es Chaos geh ufem Spielfäud we si nid gad hei gwüsst wo härestah. Glich hei mir 3:0 verlore u d Enttüschig isch gross gsi. Mir hei gwüsst, das mir hätte chönne gwinne we aui Spielerinne wäre da gsi. Ir Rückrundi wärde mir aues geh das mir denn wärde gwinne.